Սամվել Բաբայանի կողմնակիցների մեքենայի վրա հարձակման գործն ամբողջովին բացահայտված է, հարձակվողների շրջանականը՝ պարզված. Արթուր Վանեցյան (ՏԵՍԱՆՅՈՒԹ)
30-05-2019 13:07:32 | Հայաստան | Հասարակություն
Սամվել Բաբայանի կողմնակիցների մեքենայի վրա հարձակման գործն ամբողջովին բացահայտված է, հարձակվողների շրջանականը՝ պարզված:
Այս մասին մայիսի 30-ին կայացած կառավարության նիստից հետո լրագրողների հետ զրույցում տեղեկացրեց Ազգային անվտանգության ծառայության տնօրեն Արթուր Վանեցյանը:
Ըստ նրա՝ այդ գործում որևէ դավադրություն պետք չէ ման գալ, քանի որ կատարվածը երկու խումբ մարդկանց միջև ֆինանսական հարցերի պարզաբանման հետևքանով առաջացած վեճի արդյունք է:
«Առաջիկա ժամերի ընթացքում կլինի հաղորդագրություն ոստիկանության ու ԱԱԾ համատեղ աշխատանքի վերաբերյալ, և բոլոր մանրամասները հայտնի կդառնան ձեզ»,- նշեց Վանեցյանը:
Պատասխանելով լրագրողի մյուս հարցին, թե ինչպես կմեկնաբանի ԱԱԾ տնօրենի տեղակալ Արզուման Հարությունյանի հրաժարականը, Ա. Վանեցյանն ասաց.
«Պարոն Հարությունյանը ծառայել է ԱԱԾ-ում շուրջ 35 և ավելի տարի, և նա զեկուցագրով դիմեց իրեն երկարամյա ծառայությունից ազատելու խնդրանքով, որը բավարարվեց»: