Անընդունելի եմ համարում, երբ բնական միջավայրում բնական կերով սնվող կեսապաշարը վաճառվում է 30-50 դրամով. ՇՄ նախարար

05-06-2019 18:42:31 | Հայաստան | Հասարակություն

ՀՀ շրջակա միջավայրի (ՇՄ) նախարար Էրիկ Գրիգոյանն անընդունելի է համարում, երբ բնական միջավայրում բնական կերով սնվող կեսապաշարը վաճառվում է 30-50 դրամով:

Ըստ նրա՝ Սևանի սիգի վաճառքն օրինական դաշտ բերելով կնպաստեն ձկան գնի սահմանմանը և կխթանեն որսի նվազեցմանը՝ հստակ սահմանափակելով ձվադրման ժամանակ ձկան, իսկ այս ժամանակահատվածում՝ մանրաձկան որսը:

«Սևանի սիգի հետ կապված մենք նախատեսում ենք 150 տոննայի չափով արդյունագործական որսը թույլ տալ որոշակի սահմանափակումներով՝ առաջնայնությունը տալով նաև մարզի բնակիչներին»,- նշեց Է. Գրիգորյանը:

Վերջինիս փոխանցմամբ՝ ձկան որսի նկատմամբ հիմնական վերահսկողությունն իրականացնում են Սևան ազգային պարկը և Բնապահպանության և ընդերքի տեսչական մարմինները:

Նախարարի տեղեկացմամբ՝ տեսչական մարմնի կողմից նոր առաջարկ են ստացել՝ կանոնակարգել ձկան վաճառքի փուլը, քանի օրենսդրական կազուս կա, մասնավորապես, ձկան որսն արգելում են, իսկ դրա վաճառքը՝ ոչ:

Սևանա լճի տարածքում մաքրման աշխատանքներ իրականացնելու հետ կապված լրագրողներից մեկի հարցին ի պատասխան՝ Է. Գրիգորյանը, մասնավորապես, նշեց.

«Այս ուրբաթ օրը մենք կունենանք մինչև 1901,5 նիշում ամբողջովին քարտեզագրված, տիեզերական պատկերներով և դրոններով հանված տեղեկատվությունը մաքրման ենթակա տարածքների վերաբերյալ: Թիվը կարծես թե մոտ է 600 հեկտարին, և ամբողջ այդ ծավալի չափով անմիջապես կդիմենք կառավարությանը մաքրման աշխատանքներ իրականացնելու համար: Սակայն այս ժամանակահատվածը մենք օգտագործել ենք, որպեսզի իրատեսորեն գնահատենք, թե որ տարածքն են, որ մաքրման են ենթակա»:

Մանրամասները՝ տեսանյութում

Էլիզա Զախարյան, «Նոյյան Տապան»

Նոյյան տապան - Հասարակություն

Կարդացել են 1300 անգամ

Անընդունելի եմ համարում, երբ բնական միջավայրում բնական կերով սնվող կեսապաշարը վաճառվում է 30-50 դրամով. ՇՄ նախարար

Noyan Tapan TV