Բերլուսկոնին մարմնավաճառուհուն առաջարկել է տեղ
Եվրախորհրդարանո՞ւմ
27-07-2009 16:51:00 | Իտալիա | Միջազգային
ՀՌՈՄ, 27 ՀՈՒԼԻՍԻ, ՆՈՅՅԱՆ ՏԱՊԱՆ: Մարմնավաճառուհի Պատրիցիա
դ'Ադդարիոն հայտարարել է, որ Իտալիայի կառավարության ղեկավար
Սիլվիո Բերլուսկոնին իրեն խոստացել է տեղ Եվրախորհրդարանում իր հետ
անցկացրած գիշերից հետո, հաղորդում է բրիտանական «Թայմս» թերթը:
Այդ խոստովանությունը նա արել է անցած շաբաթ այն
ձայնագրության հրապարակումից հետո, որ նա արել էր Բերլուսկոնիի հետ
իր մտերմիկ կապի պահին:
Բերլուսկոնին ի պատասխան այս պնդումներին հայտարարում է, որ
կյանքում երբեք չի օգտվել վճարովի սեռական ծառայություններից:
Նշենք, որ Իտալիայի կառավարության ղեկավարը խիստ
քննադատության է ենթարկվել քաղաքական փորձառություն չունեցող
բազմաթիվ գրավիչ կանանց Եվրոպական խորհրդարան հասցնելու համար: