Հինգ համալսարանում կներդրվի ինտերակտիվ ուսուցման մեթոդաբանությամբ անցկացվող նոր դասընթաց

29-01-2020 17:45:57   | Հայաստան  |  Հասարակություն
ՀՀ կրթության, գիտության, մշակույթի և սպորտի նախարարության և ՄԱԿ-ի զարգացման ծրագրի աջակցությամբ «Ընտրական համակարգերի միջազգային հիմնադրամը» ազդարարեց Հայաստանի բուհերում «Ժողովրդավարություն. տեսությունից՝ կենսագործում» թեմայով դասընթաց մշակելու և ներդնելու ծրագրի մեկնարկը։
 


Միջոցառման ընթացքում տեղի ունեցավ նաև ՍԵՊՊԱ ծրագրի «Քաղաքական մատչելիություն և ներառում» բաղադրիչի շրջանակներում ներգրավված քաղաքացի» համալսարանական դասընթացի հուշագրի ստորագրման արարողությունը:
 
Հուշագիրը ստորագրվեց Երևանի, Շիրակի, Վանաձորի պետական համալսարանների, Երևանի պետական լեզվահասարակագիտական, ինչպես նաև Երևանի պետական տնտեսագիտական համալսարանների և Այ Էֆ Ի Էս ընկերության միջև:
 
Քաղաքացիական կրթության ծրագիրը ներառում է նոր դասընթացի ձևավորում և հինգ համալսարանի ուսումնական ծրագրում այն ընդգրկված է որպես նախնական փորձնական փուլ:
 
Այ Էֆ Ի Էս հայաստանյան գրասենյակի տնօրեն Ժերոմ Լեյրոնը
նշեց, որ ծրագիրը կնպաստի ակտիվ քաղաքացիներ ունենալուն, ովքեր հետագայում կսկսեն ակտիվ մասնակցել քաղաքական գործընթացներին:
 
«Դասընթացը ներկայացնում է մեր հանձնառությունը Հայաստանում ժողովրդավարական փոփոխություններին: Այս դասընթացը, որը կոչվում է«Ներգրավված քաղաքացի», ուղղված է բարգավաճմանը, ժողովրդի, մոլորակի զարգացմանը և խաղաղությանը»,- նշեց Լեյրոնը:
 
ՀՀ կրթության, գիտության, մշակույթի և սպորտի նախարարի խորհրդական Սամվել Կարաբեկյանը շեշտեց, որ իրենք շատ են կարևորում այս դասընթացի մշակումն ու ներդնումը հայկական համալսարաններում:
 
«Այս դասընթացը ներդնելը շատ կարևոր է, քանի որ ուսանողների մեծ խմբեր կարող են ներգրավվել օրակարգի ձևավորման և ընդհանուր ակադեմիական մասնակցայնության տեսանկյունից»,- ասաց Կարաբեկյանը:
 
ԱՄՆ ՄԶԳ հայաստանյան առաքելության տնօրեն Դեբորա Գրիզերն ասաց, որ իրենք ցանկանում են ներգրավել երիտասարդների, ինչի շնորհիվ կարող են օգտագործել նրանց պոտենցիալն ու ունակությունները:
 
«Ներգրավված քաղաքացի» դասընթացը մշակվել է որպես Հայաստանում ընտրական գործընթացների և քաղաքական հաշվետվողականության ամրապնդման
ծրագրի բաղադրիչ: Դասընթացով նպատակ ունենք խթանել ժամանակակից Հայաստանում ակտիվ քաղաքացիության, ժողովրդավարական կառավարման և մարդու իրավունքների մասին պատկերացումները՝ ժամանակակից ինտերակտիվ ուսուցման մեթոդաբանությունների միջոցով»,- շեշտեց Գրիզերը:
 
Նրա խոսքով՝ այդպիսով նրանք ուսանողներին կապահովեն արդյունավետ ներգրավման համար անհրաժեշտ գիտելիքներով, հմտություններով և միջոցներով, ինչպես նաև կամրապնդվեն ժողովրդավարական սկզբունքները:
Նոյյան տապան   -   Հասարակություն
Լուրեր Հայաստանից եւ Սփյուռքից

Կարդացել են 393 անգամ
Noyan Tapan - Նոյյան տապան
Facebook Group · 3 365 անդամ
Միանալ խմբին
Միացեք մեր «Ֆեյսբուքյան» խմբին՝ մեր հաղորդումները քննարկելու եւ բանախոսներին հարցեր ուղղելու համար



Բաժանորդագրվեք «Նոյյան Տապան»-ի մեր էջերին«Յութուբում», «Ֆեյսբուքում» Եւ «Թվիթերում»` մեր հաղորդումներն անվճար դիտելու համար