Հումանիտար առաքելության խումբը Հալեպի զինվորական հոսպիտալին փոխանցել է բժշկական պարագաների նոր խմբաքանակ

18-05-2020 13:52:45 | Հայաստան | Հասարակություն

Հումանիտար Ականազերծման և Փորձագիտական Կենտրոն ՊՈԱԿ-ի ֆեյսբուքյան էջում կատարվել է գրառում, որտեղ մասնավորապես ասվում է.

«Մայիսի 18-ին, Հայաստանի Հումանիտար առաքելություն իրականացնող բժշկական խումբը` Հալեպում Հայաստանի գլխավոր հյուպատոսության հետ համագործակցությամբ, մշտապես շարունակում է Հալեպի զինվորական հոսպիտալին և այլ բուժ հաստատություններին փոխանցել բժշկական և այլ անհրաժեշտ պարագաներ։

Բժշկական կենտրոնների ղեկավարները հայ մասնագետներին հայտնել են իրենց երախտագիտությունը` տրամադրված անհրաժեշտ պարագաների և բժշկական հաստատություններում ամեն օր ցուցաբերվող օժանդակության համար։

Հալեպի զինվորական հոսպիտալի պետ, գեներալ Ֆայեզ ալ-Այուբին բարձր է գնահատել հայ և սիրիացի բժիշկների համատեղ ջանքերը, աշխատանքի հանդեպ անմնացորդ նվիրումը և շնորհակալություն է հայտնել Հայաստանի մարդասիրական խմբին` մշտական աջակցության համար»:

Նոյյան տապան - Հասարակություն

Կարդացել են 310 անգամ

Հումանիտար առաքելության խումբը Հալեպի զինվորական հոսպիտալին փոխանցել է բժշկական պարագաների նոր խմբաքանակ

Noyan Tapan TV