Նոր Գեղիի ոռոգման ջրի խողովակի խցանման հետեւանքով կտրվածք է արվել. ներսում հայտնաբերվել է դի. ԱԻՆ
29-07-2020 10:33:02 | Հայաստան | Հասարակություն
Հուլիսի 28-ին՝ ժամը 14:58-ին, Ճգնաժամային կառավարման ազգային կենտրոն տեղեկություն է ստացվել, որ Նոր Գեղի գյուղում ոռոգման ջրի խողովակի խցանումը բացելու նպատակով խողովակի վրա կտրվածք է արվել, որտեղ ենթադրվել է, որ դի կա: Դին խողովակից դուրս բերելու համար անհրաժեշտ է եղել փրկարարների օգնությունը:
ԱԻՆ լրատվական ծառայությունից հայտնում են, որ դեպքի վայր է մեկնել ԱԻՆ ՓԾ Կոտայքի մարզային փրկարարական վարչության հրշեջ-փրկարարական ջոկատից մեկ մարտական հաշվարկ:
Փրկարարները ՋՕ-ի (ջրօգտագործողներ) աշխատակիցների հետ համատեղ ուժերով դին դուրս են բերել խողովակից։
ՀԱՅԵՐԵՆ
Русский
English
Դաս. հայերեն
French
