ԲՐՅՈՒՍԵԼ, 18 ՄԱՅԻՍԻ, ՆՈՅՅԱՆ ՏԱՊԱՆ: Մայիսի 17-ին Բելգիայում ավարտված ձյուդոյի միջազգային պատանեկան մրցաշարում Հայաստանի հավաքականը թիմային պայքարում գրավեց առաջին տեղը: Անհատապես մրցաշարի հաղթող դարձան Երջանիկ Կարապետյաանը (48 կգ, Երեւան), Գարիկ Հարությունյանը (50 կգ, Վանաձոր), Դավիթ Նիկողոսյանը (55 կգ, Երեւան), Դավիթ Ղազարյանը (60 կգ, Վանաձոր), Մհեր Թավաքալյանը (73 կգ, Չարենցավան) եւ Արթուր Կռոյանը (81 կգ, Երեւան): Արման Սողոմոնյանը (81 կգ, Երեւան) եւ Գեւորգ Թորոսյանը (60 կգ, Երեւան) գրավեցին երկրորդ տեղը:

---