Ինչու է «Արցախի հերոսի» բարձրագույն կոչում շնորհվել «Եղնիկներ»-ի հրամանատար Կարեն Ջալավյանին
02-10-2020 11:46:28 | Հայաստան | Վերլուծություն
ՊԲ հրամանատարի տեղակալ Արթուր Սարգսյանն այսօր լրագրողների հետ ճեպազրույցում մանրամասնեց, թե ինչի համար է «Արցախի հերոսի» բարձրագույն կոչում շնորհվել «Եղնիկներ»-ի հրամանատար Կարեն Ջալավյանին։
«Պաշտպանության բանակի պաշտպանության շրջանի հրամանատարն Արցախյան գոյամարտից առ այսօր գտնվում է շարքում և իր ակտիվ մասնակցությունն է ունեցել։ Բազմիցս վիրավորվել է, այդ թվում՝ և արցախյան գոյամարտում, և ապրիլյան քառօրյայում։ Եվ իր հմուտ գործողությունների արդյունքում ապահովել է հյուսիսային ուղղության կայուն պաշտպանությունը և ռազմավարական նշանակության խնդիրների կատարումը՝ հաշվի առնելով նաև, որ այդ ուղղությամբ հակառակորդն օգտագործել է աննախադեպ քանակության անձնակազմ, սպառազինություն և ռազմական տեխնիկա»,- ասաց նա։
Արթուր Սարգսյանի խոսքով՝ պարգևատրությունները շարունակական բնույթ են կրելու։ Եվ ըստ կատարված սխրանքների՝ բոլորն էլ համապատասխան պարգևատրումների արժանանալու են։
ՀԱՅԵՐԵՆ
Русский
English
Դաս. հայերեն
French
