Հայաստանը չէր կարող հարվածել Մինգեչաուրին. ադրբեջանական հերթական կեղծիքը


Հայաստանը չէր կարող հարվածել Մինգեչաուրին. ադրբեջանական հերթական կեղծիքը

  • 05-10-2020 18:20:09   | Արցախ (ԼՂՀ)  |  Քաղաքական



«Զինուժ մեդիան» բացահայտում է ադրբեջանական քարոզչության հերթական ու լկտի կեղծիքը, ըստ որի՝ Հայաստանի Հանրապետության տարածքից հրթիռակոծվել է Մինգեչաուրի ՋԷԿ-ը։
 
«Սմերչ» համակարգը, որի հրթիռը, իբր, արձակվել է Հայաստանից, չի կարող հաղթահարել Հայաստանից Միգեչաուր ընկած տարածքը։ Հրթիռային կայանքի հնարավորություններն ուղղակի թույլ չեն տալիս անել դա։
 
Երկրորդ կեղծիքը նույնպես ակնհայտ է. Ադրբեջանի նախագահի օգնականի տեղադրած հայտնի լուսանկարներում ընդամենը «Սմերչի» հրթիռի՝ արդեն մարտական մասը պարպելուց հետո մնացած հատվածն է, մինչդեռ ադրբեջանական կողմը պնդում է, թե հրթիռն ուղղակի չի պայթել։ Հրապարակված լուսանկարում հրթիռն առանց մարտական հատվածի է, հետևաբար այն չէր կարող չպայթել։ Իսկ եթե պայթել է, ապա ավերածության հետքեր պետք է լինեին, որոնք չկան։ Դե իսկ «չպայթած» հրթիռի համար խնամքով փորված անցքի մասին խոսելն ընդհանրապես ավելորդ է»,- նշված է մեկնաբանության մեջ։
Նոյյան տապան  -   Քաղաքական

Կարդացել են 561 անգամ

Copyright © 2024 | Developed by ITMedia