ՎԻԼՆՅՈՒՍ, 2 ԱՊՐԻԼԻ, ՆՈՅՅԱՆ ՏԱՊԱՆ: Ապրիլի 1-ին Վիլնյուսում ավարտվեց Եվրոպայի ազատ ըմբշամարտի առաջնությունը: Առաջնության եզրավակիչ օրը Հայաստանից մրցասպարեզ ելան Արթուր Առաքելյանը (60 կգ, Երեւան), Սուրեն Մարկոսյանը (74 կգ, Գառնի) եւ Էդգար Ենոքյանը (96 կգ, Երեւան): Նրանցից միայն Է.Ենոքյանին հաջողվեց գրավել 3-րդ տեղն ու դառնալ բրոնզե մեդալակիր: Այսպիսով, Հայաստանի ազատ ըմբշամարտի հավաքականը Եվրոպայի առաջնությունում իր հաշվեկշռում գրանցեց 1 արծաթե եւ 2 բրոնզե մեդալ: Ապրիլի 4-ին վիլնյուսյան մրցագորգերը կտրամադրվեն Եվրոպայի առաջնության մեդալները վիճարկող հունահռոմեական ոճի ըմբիշներին: Հայաստանի մարզիկները հանդես կգան բոլոր 7 քաշային կարգերում:

---