ՆԻՍ, 26 ՄԱՐՏԻ, ՆՈՅՅԱՆ ՏԱՊԱՆ: Ֆրանսիայի Նիս քաղաքում անցկացվող շախմատի «Ամբեր» միջազգային փառատոնի մարտի 25-ին կայացած 10-րդ փուլում Լեւոն Արոնյանը (Հայաստան) հանդիպեց Վանգ Յուի (Չինաստան) հետ: «Կույր» մրցաձեւում Լ.Արոնյանը հաղթեց, իսկ արագում մրցակիցները խաղաղ դաշն կնքեցին: Լ.Արոնյանը 13 միավորով միանձնյա գլխավորում է մրցաշարային աղյուսակը: 2-3-րդ տեղերը 12-ական միավորով բաժանում են Վիշվանաթան Անանդը (Հնդկաստան) եւ Մագնուս Կառլսենը (Նորվեգիա): Մարտի 26-ին նշխանակված վերջին` 11-րդ, փուլում Լ.Արոնյանը կհանդիպի Վեսելին Թոփալովի (Բուլղարիա) հետ:

---