ԱՀ նախագահն առաջիկա ժամերին կարձագանքի Զարինե Սառաջյանի նամակին. Պողոսյան
03-11-2020 14:10:06 | Արցախ (ԼՂՀ) | Հասարակություն
ԱՀ նախագահի խոսնակ Վահրամ Պողոսյանն արձագանքել է ԱՀ նախագահ Արայիկ Հարությունյանին ուղղված բաց նամակին, որում առաջարկվում է պատերազմական իրավիճակում Արցախից բացակայող պետական կառավարման համակարգի բոլոր զինապարտ պաշտոնյաներին ազատել աշխատանքից:
«Հաշվի առնելով այն հանգամանքը, որ ֆեյսբուքյան օգտատեր Զարինե Սառաջյանի բաց նամակը՝ ուղղված ԱՀ Նախագահ Արայիկ Հարությունյանին, որտեղ հեղինակն անդրադարձել է պատերազմական այս օրերին պետական կառավարման համակարգի բարձր և ցածր օղակներում աշխատող զինապարտ քաղաքացիների՝ Արցախից բացակայելու փաստին, մեծ արձագանք է գտել, կիսվում եմ իմ էջում՝ միաժամանակ տեղեկացնելով, որ այն քիչ առաջ ներկայացրել եմ Հանրապետության նախագահին:
Նախագահն արդեն ծանոթացել է նամակի բովանդակությանը և առաջիկա ժամերին կարձագանքի դրան»,- ասված է Պողոսյանի գրառման մեջ:
ՀԱՅԵՐԵՆ
Русский
English
Դաս. հայերեն
French
