«System of a Down»-ը 15 տարվա դադարից հետո երկու նոր երգ է թողարկել. երկուսն էլ նվիրված են Արցախի
06-11-2020 12:15:59 | | Հասարակություն
Աշխարհահռչակ ռոք խումբ «System Of A Down»-ը 15 տարվա դադարից հետո երկու նոր երգ է թողարկել։ Այս մասին ֆեյսբուքյան իր էջի միջոցով հայտնում է խմբի անդամ Սերժ Թանկյանը։ Երգերը կոչվում են «Protect The Land» («Պաշտպանենք երկիրը») եւ «Genocidal Humanoidz» («Ցեղասպան մարդասիրություն»)։
«Մենք՝ որպես System Of A Down, 15 տարվա ընթացքում առաջին անգամ նոր երաժշտություն ենք թողարկել: Դա անելու ժամանակը հիմա էր, քանի որ միասին՝ մենք չորսով, մի ծայրաստիճան կարեւոր բան ունենք ասելու՝ որպես մեկ ձայն»,- գրել է Թանկյանը՝ հավելելով՝ այս երկու երգերն էլ խոսում են Արցախի եւ Հայաստանի մշակութային հայրենիքում ծանր եւ լուրջ պատերազմի մասին։
ՀԱՅԵՐԵՆ
Русский
English
Դաս. հայերեն
French
