Թշնամին Ստեփանակերտը հրթիռակոծում է կասետային ռումբերով․ Արցախի ԱԻՊԾ

Ստեփանակերտը հրթիռակոծվում է կասետային ռումբերով։ Այս մասին հայտնում են Արցախի ԱԻՊԾ-ից։

Թշնամու թիրախում քաղաքն է՝ բնակելի շենքերով, քաղաքացիական ու հանրային ենթակառուցվածքներով։

Տուժածների վերաբերյալ տվյալներ առայժմ չկան։

Նշենք, որ Արցախի մայրաքաղաքն ու բերդաքաղաք Շուշին ամբողջ գիշերվա ընթացքում և լուսադեմին պարբերաբար հրթիռակոծվել են:

Հրթիռը Ստեփանակերտում ընկել է բնակելի տան վրա: Զոհվել է քաղաքացիական 3 անձ:

Արցախի փրկարար ուժերը որոնողափրկարարական աշխատանքների արդյունքում փլատակների տակից հանել են քաղաքացիների դիերը։

Պայթյունից մասնակի վնասվել են նաև հարևանությամբ գտնվող բնակարանները:

Նոյյան տապան - Հասարակություն