«Բարգավաճ Հայաստան» խմբակցության պատգամավորները մտան Ազգային ժողովի շենք
11-11-2020 17:45:59 | Հայաստան | Հասարակություն
Ազգային ժողովի շենքի դիմաց շարունակվում է 17 կուսակցությունների նախաձեռնած հանրահավաքը։ ԱԺ-ի դարպասների մոտ ոստիկանները վահաններով շղթա են կազմել:
Քիչ առաջ «Բարգավաճ Հայաստան» խմբակցության պատգամավոր Նաիրա Զոհրաբյանը գործընկերների հետ մտավ Ազգային ժողովի շենք։ «Ես և իմ գործընկերները՝ «Բարգավաճ Հայաստան» խմբակցության պատգամավորները մտնում ենք Ազգային ժողով։ Ես դիմում եմ ոստիկաններին, չխոչընդոտել մեր մուտքը մեր աշխատանքի վայր, մենք բացառապես և միայն իրավական ճանապարհով սկսում ենք արտահերթ նիստ հրավիրելու գործընթաց։ Դրա համար մենք պետք է լինենք մեր աշխատանքի վայրում՝ Ազգային ժողովում»,-նշեց պատգամավորը։
Հիշեցնենք, որ 17 կուսակցությունների հրավիրած հանրահավաքը այսօր մեկնարկեց Ազատության հրապարակից, որից հետո ցուցարարները շարժվեցին Կառավարության, այնուհետև՝ Ազգային ժողովի շենք։ Նրանք պահանջում են վարչապետ Նիկոլ Փաշինյանի հրաժարականը։
ՀԱՅԵՐԵՆ
Русский
English
Դաս. հայերեն
French
