Թուրքիան և Ադրբեջանը սկսել են էթնիկ զտումների արշավ Արցախում. ժամանակն է պատժամիջոցներ կիրառել նրանց նկատմամբ. Շեր
12-11-2020 18:10:04 | ԱՄՆ | Հասարակություն
Կորոնավիրուսի համավարակը, ԱՄՆ ընտրությունները և այլ կարևոր հիմնախնդիները թույլ չեն տալիս տեսնել Թուրքիայի եւ Ադրբեջանի կողմից Արցախում իրականացվող էթնիկ զտումների արշավը եւ խաղաղ բնակիչության հեռացումն իրենց նախնիների հողերից: Այս մասին ասել է ամերիկահայ երգչուհի Շերը՝ «Թվիթեր»-ի իր էջում հանդես գալով տեսաուղերձով:
«Ադրբեջանը Թուրքիայի աջակցությամբ հարձակվել է Հայաստանի վրա: Հաշվի առնելով հայերի և Թուրքիայի ընդհանուր պատմությունը, Հայոց ցեղասպանությունը, մարդու իրավունքների խախտումները՝ ժամանակն է պատժամիջոցներ կիրառել այդ երկրների նկատմամբ:
ԱՄՆ-ն մեր հարկատուների դոլարներն ուղարկում է այդ ավտորիտար ռեժիմներին, զենք է վաճառում նրանց»,- նշել է Շերը։
«Վրդովմունքը բավարար չէ, իրազեկելը բավարար չէ։ Կապվե՛ք ձեր ներկայացուցիչների հետ հենց հիմա և պահանջեք, որ քայլեր ձեռնարկեն»,- նշել է երգչուհին եւ կոչ արել հումանիտար օգնություն ցուցաբերել «Հայաստան» համահայկական հիմնադրամին։
Let’s get unified! Join me & my Armenian brother @esrailian in sharing this important message. Use @ANCA_DC & @ARAMAC_DC links to contact your representatives to take action now & sent support to @ArmeniaFund pic.twitter.com/90iebijWRN
ՀԱՅԵՐԵՆ
Русский
English
Դաս. հայերեն
French
