Եվրոհանձնաժողովը Պարենային ապահովության ծրագրից 3 միլիոն
եվրո տրամադրեց Հայաստանի բյուջեի աջակցման համար
10-03-2009 21:00:00 | Հայաստան | Տնտեսություն
ԵՐԵՎԱՆ, 10 ՄԱՐՏԻ, ՆՈՅՅԱՆ ՏԱՊԱՆ: Եվրոհանձնաժողովը Պարենային
ապահովության ծրագրից (ՊԱԾ) 3 միլիոն եվրո տրամադրեց Հայաստանի
բյուջեի աջակցման համար: Այս մասին «ՆՏ»-ին հայտնեցին
Եվրոհանձնաժողովի հայաստանյան գրասենյակից:
ՊԱԾ-ը Հայաստանում վճարումների եւ ազգային բյուջեի աջակցման
հավասարակշռման գործիք է: Ծրագիրը 1997թ.-ի ֆինանսական տարվանից
սկսված աջակցություն է ցուցաբերել Հայաստանի պետբյուջեին: Այդ
ժամանակից ի վեր թվով 10 տարեկան ծրագրեր են հաջողությամբ
իրականացվել` տրամադրելով 96,5 միլիոն եվրո ուղիղ բյուջետային
աջակցման եւ 5,5 մլն եվրո տեխնիկական աջակցման եւ հետագա
գործողությունների տեսքով:
Եվրոհանձնաժողովի Պարենային ապահովության 2007-2008թթ.-ին
արդյունավետ իրականացված ծրագրի հետ միասին Հայաստանի զարգացմանն
ուղղված ՊԱԾ-ի ներդրումը կազմում է 105 մլն եվրո:
Եվրոհանձնաժողովի 2007-2008թթ.-ի ՊԱԾ-ի հատուկ նպատակն էր
օգնել Հայաստանի կառավարությանը բարելավելու պետական ծրագրերի
մշակումը, կառավարումը, իրականացումն ու արդյունավետությունը,
ինչպես նաեւ բարելավելու գյուղատնտեսության ոլորտի
ծառայությունները: