UCOM-ում գործում է առցանց ապառիկ պայմաններով վաճառքը
24-12-2020 11:50:56 | Հայաստան | Կազմակերպություններ
Արդեն մի քանի օր է, որ Ucom ընկերության ինտերնետ խանութում հնարավոր է ապառիկ պայմաններով ձեռք բերել նախընտրելի սմարթֆոնը կամ գաջեթը՝ ձևակերպելով ապառիկն առցանց, առանց տանից դուրս գալու։ Առցանց ապառիկ հնարավոր է ձևակերպել 30 հազար դրամից սկսած ցանկացած սմարթֆոն, գաջեթ, ինքնագնաց, խելացի տան սարքավորում կամ որևէ աքսեսուար ձեռք բերելու համար։ Ինչպես և սովորական սպասարկման սրահ այցելելիս, այնպես էլ Ucom-ի ինտերնետ-խանութում ապառիկի դիմել կարող են 21-60 տարեկան ՀՀ քաղաքացիները։
Առցանց ապառիկը ձևակերպելուց առաջ իրականացվում է առցանց հարցում, կատարվում է անձնական տվյալների նույնականացում, ինչից հետո բանկային համակարգը վայրկյանների ընթացքում հաստատում կամ մերժում է վարկի տրամադրումը։
Հավելենք, որ առցանց ապառիկը ձևակերպվում է «Յունիբանկ» ԲԲԸ կողմից, ընդ որում՝ նույն պայմաններով, որոնք գործում են նաև Ucom վաճառքի և սպասարկման կենտրոն այցելելու դեպքում։
ՀԱՅԵՐԵՆ
Русский
English
Դաս. հայերեն
French
