Քաղաքացու գործողությունից ոստիկանը կոտրվածքներ է ստացել․ 32-ամյա ցուցարարը ձերբակալվել է

26-12-2020 14:10:48 | Հայաստան | Հասարակություն

Դեկտեմբերի 25-ին, ժամը 19-ի սահմաններում, ոստիկանության ծառայողները Մյասնիկյան պողոտայում օրինական պահանջ են ներկայացրել ճանապարհի երթևեկելի հատվածը փակած քաղաքացիներին։ Սակայն ճանապարհը փակած անձանցից մեկը հրել է ոստիկաններին, ինչի հետևանքով ոստիկաններից մեկը ընկնել է և ձախ սրունքի ոսկորների կոտրվածքով տեղափոխվել հիվանդանոց։ Այս մասին հայտնում են ոստիկանությունից։

Նշված վայրից Երևանի 32-ամյա բնակիչը, իշխանության ներկայացուցչի նկատմամբ բռնություն գործադրելու կասկածանքով, բերման է ենթարկվել ոստիկանություն և ձերբակալվել։

Ոստիկանը կատարել և կատարելու է օրենքով իրեն վերապահված գործառույթները։ Ցույցների, երթերի և բողոքի մյուս գործողությունների ընթացքում ոստիկանության ծառայողը պահպանում է հասարակական կարգը, ապահովում հասարակական անվտանգությունը, այդ թվում՝ նաև ցուցարարների։

Կոչ ենք անում խստագույնս պահպանել օրենքը։ Բոլոր օրինախախտները հայտնաբերվում են ու ենթարկվում պատասխանատվության։ Այս մասին նշված է Ոստիկանության հայտարարությունում։

Նոյյան տապան - Հասարակություն

Կարդացել են 651 անգամ

Քաղաքացու գործողությունից ոստիկանը կոտրվածքներ է ստացել․ 32-ամյա ցուցարարը ձերբակալվել է

Noyan Tapan TV