Արցախում մեկնարկել են գարնանացանի աշխատանքները

10-03-2021 14:30:04 | Արցախ (ԼՂՀ) | Հասարակություն

Արցախի Հանրապետության էկոնոմիկայի և գյուղատնտեսության նախարարությունից հայտնում են՝ Արցախում մեկնարկել են գարնանացանի աշխատանքները:

Նախարարությունում գրանցված օպերատիվ տվյալների համաձայն՝ առ մարտի 9-ը Արցախում կատարվել է գարնանացան մշակաբույսերի ավելի քան 1400 հա հերկ:

Ցանվել է, ընդհանուր առմամբ, 445.6 հա տարածք, այդ թվում 352,6 հա հացահատիկային մշակաբույսեր, 13 հա արևածաղիկ, 38 հա կտավատ, 23 հա սիսեռ, 19 հա կերային մշակաբույսեր:

Ցանքսերում ընթանում են նաև սնուցման (ազոտական պարարտանյութով) և մկնանման կրծողների դեմ պայքարի աշխատանքներ:

Հաղորդվում է, որ նշված ցուցանիշները մեկնարկային են. ԱՀ էկոնոմիկայի և գյուղատնտեսության նախարարությունը, կատարվող աշխատանքներին զուգընթաց, կներկայացնի թարմացված տվյալներ:

Նոյյան տապան - Հասարակություն

Կարդացել են 402 անգամ

Արցախում մեկնարկել են գարնանացանի աշխատանքները

Noyan Tapan TV