Կոտայք բնակավայրի «Հատիսի բարիքներ» ջերմատան բերքը շուտով նաև կարտահանվի
11-03-2021 20:19:29 | Կոտայքի մարզ | Տնտեսություն
Ակունք խոշորացված համայնք կատարած այցի շրջանակում Կոտայքի մարզպետ Մեսրոպ Մեսրոպյանը եղել է Կոտայք բնակավայրում գործող «Հատիսի բարիքներ» ջերմատանը, հետևել ջերմոցի գործունեությանն ու զարգացման ծրագրերին։
Ջերմատան սեփականատեր Տիգրան Նիկողոսյանը 1300 քմ մակերեսով ջերմատանը կաթիլային ոռոգմամբ լոլիկ է աճեցնում, հարակից ունի նաև 7000 քմ ազնվամորու այգի։
Սեփականատերն օգտվել է «Գյուղատնտեսության ոլորտին տրամադրվող վարկերի տոկոսադրույքների սուբսիդավորման» ու «Փոքր և միջին ջերմատնային տնտեսությունների ներդրման պետական աջակցության» ծրագրերից։
Ընկերությունն ունի հիմնական 8 աշխատատեղ, բերքահավաքի սեզոնին աշխատողների թիվն ավելանում է։
Ստացված բերքը սպառում են տեղական շուկայում, սակայն ներդրումային ծրագիրն ընդլայնելու և բերքն արտահանելու ծրագրեր ունեն։
Մարզպետը եղել է նաև Ակունք բնակավայրի՝ 2019 թվականին «ՀՀ-ում 2019-2024 թվականների տավարաբուծության զարգացման» և «Փոքր և միջին «խելացի» անասնաշենքերի կառուցման կամ վերակառուցման և դրանց տեխնոլոգիական ապահովման պետական աջակցության» ծրագրերով հիմնած անասնաֆերմայում։
Ընկերությունն այս պահին ունի 15 տոհմային խոշոր եղջերավոր, 15 հորթուկ, առաջիկայում ևս սպասվում է նոր ծին։
ՀԱՅԵՐԵՆ
Русский
English
Դաս. հայերեն
French
