Նիկոլը ապացուցեց, որ կատարում է իր բոլոր խոստումները

26-03-2021 21:08:25 | Հայաստան | Իրավունք

ՆԻԿՈԼԸ ԵՐԲԵՔ ՉԻ ՍՏՈՒՄ

Նիկոլը խոստացել էր վերաբացել մարտի մեկի գործը`

Նիկոլը այն վերաբացեց:

Նիկոլը խոստացել էր մինչև վերջ բացահայտել մարտի մեկի գործը`

Նա այն բացահայտեց:

Նիկոլը խոստացել էր մարտի մեկի գործը հասցնել տրամաբանական ավարտին:

Այսօր` ՍԴ որոշմամբ, Նիկոլը այս մի խոստումն էլ կատարեց, այլևս չկա մարտի մեկի գործ, այն հասավ իր տրամաբանական ավարտին, այն այլևս փակված է, այնպես ինչպես Արցախի հարցը:

Սիրելի հանդիսատես

Նիկոլը խոնարհվում է ձեր առաջ,

Նիկոլը սիրում է բոլորիդ,

Նիկոլը հպարտանում է ձեզանով,

Նիկոլն ասում է, որ դուք ապրելու էք ազատ, անկախ, արդար և ծովից ծով տարածվող երկրում, ուղակի երկրի անունը դեռ գաղտնի է պահում:

Նիկոլը մարտի մեկի գործով ապացուցեց, որ կատարում է իր բոլոր խոստումները:

Նիկոլը Արցախի 75 տոկոսը թուրքերին տալով ապացուցեց, որ կատարում է իր խոստումները:

Նիկոլը խոստացավ, որ կկտրի բոլորի թաթիկները, ուշադիր նայեք ձեր շուրջը, որքան երեխաների թաթիկներ է նա կտրել:

Նիկոլը իշխանության եկավ դատարկ դագաղներով, այսօր դրանք բոլորը լիքն են, եռաբլուրը դրա լավագույն ապացույցն է:

Նիկոլը խոստացավ, որ հատիկ առ հատիկ բոլորը պատասխան են տալու, որ հատիկ առ հատիկ թալանածը հետ է բերելու, նայեք ձեր շուրջ բոլորը, տեսեք որքան լավ էք դուք ապրում հատիկ առ հատիկ ձեր օրվա հացը հաշվարկելով:

Նա ինչպես և խոստացել է Սյունիքը կտա թուրքերին, իսկ իշխանությունը նախկիններին:

Նիկոլը երբեք չի խաբում:

Վարագույր

Արտակ Գալստյան

իրավապաշտպան

Նոյյան տապան - Իրավունք