Հայ ծանրորդը՝ Եվրոպայի առաջնության չեմպիոն. ունենք նաև բրոնզե մեդալակիր

08-04-2021 20:12:36 | Հայաստան | Սպորտ

Հայաստանի ծանրամարտի հավաքականի երկու անդամներ մեդալներ են նվաճել Եվրոպայի առաջնությունում։ Կարեն Ավագյանը դարձել է Եվրոպայի առաջնության չեմպիոն, իսկ Անդրանիկ Կարապետյանը զբաղեցրել է երրորդ տեղը:

Եվրոպայի առաջնության տղամարդկանց 89 կգ քաշային կարգում Հայաստանից Անդրանիկ Կարապետյանը պոկում վարժությանը առաջին երկու մոտեցումները հաջող էին` 165 կգ և 170 կգ: Սակայն նա չբարձրացրեց 175 կգ: Կարապետյանը այս արդյունքով դարձավ Եվրոպայի առաջնության փոքր բրոնզե մեդալ:

Հայաստանի մյուս մասնակից Կարեն Ավագյանը անսխալ կատարեց իր բոլոր երեք մոտեցումները (165 կգ, 170 կգ, 175 կգ) և նվաճեց փոքր ոսկե մեդալ: Հրում վարժությունում Կարապետյանը գլխավերում պահեց 195 կգ, այնուհետ չբարձրացրեց 200 կգ և 205 կգ: Այս վարժությունում Կարեն Ավագյանը հրեց 200 կգ, սակայն չկարողացավ բարձրացնել 204 կգ:

Երկամարտի 375 կգ արդյունքով Ավագյանը դարձավ Եվրոպայի չեմպիոն, երկրորդ տեղում վրացի Ռևազ Դավիթաձեն էր, իսկ 365 կգ արդյունքով Անդրանիկ Կարապետյանը երրորդն է Եվրոպայի առաջնությունում:

Նոյյան տապան - Սպորտ