Ռուսաստանի ղեկավար Վլադիմիր Պուտինը հեռախոսազրույց է ունեցել Ադրբեջանի նախագահ Իլհամ Ալիևի հետ: Այս մասին հաղորդվում է Կրեմլի կայքում:
Նշվում է, որ Պուտինն ու Ալիևը «ջերմորեն շնորհավորել են միմյանց Հայրենական մեծ պատերազմում տարած հաղթանակի 76-րդ տարեդարձի առթիվ՝ նշելով, որ երկու երկրներն էլ սրբորեն հարգում են մարտիկների հերոսության հիշատակը և խորապես երախտապարտ են անօրինակ հերոսություն և նվիրվածություն ցուցաբերած վետերաններին: Հաստատվել է ռուս-ադրբեջանական համակողմանի համագործակցություն հաստատելու տրամադրվածությունը»:
Նշվում է, որ պայմանավորվածություն է ձեռք բերվել նաև տարբեր մակարդակներում հետագա շփումների վերաբերյալ: