Ռուսաստանից Հայաստան են ժամանել էմիսարներ` ազդելու ընտրությունների վրա. քաղաքագետ
27-05-2021 18:00:16 | Հայաստան | Քաղաքական
Դժվար է ասել` այսօր Հայաստանում ստեղծված իրավիճակն ում է ավելի ձեռնտու և որքանով է փոխկապակցված սպասվող ընտրությունների հետ, սակայն ենթադրում եմ, որ Ադրբեջանը փորձում է հնարավորինս օգուտ քաղել ստեղծված իրավիճակից: Այս մասին Նոյյան Տապանի «Հրատապ հարցեր» հաղորդաշարի ժամանակ կարծիք հայտնեց քաղաքագետ Վիգեն Խաչատրյանը։
«Մենք գնում ենք ոչ թե սովորական ընտրությունների, այլ մենք ուզենք, թե չուզենք` տեղի է ունենում հնի ու նորի պայքար: Հինն այն է, որ մարդիկ իշխանությունը վերածում էին փողի, հետո փողն ավելի մեծ իշխանության, և այդպես անընդմեջ: Մենք վերջին 20 տարիներին դրա վկա ենք: Նոր իշխանությունը կարծես փորձում է բացառել այդ երևույթը հանրային կյանքում, և չդիտարկել իշխանությունը որպես փող աշխատելու կամ կյանքը բարելավելու միջոց: Հին և նոր ասածը պետք է այստեղ հասկանանք»,- ասաց քաղաքագետը:
Նա նկատեց ` ՌԴ-ին ձեռնտու կլինի ունենալ թույլ կամ կոռումպացված ղեկավար Հայաստան: Ադրբեջանն էլ է դա հասկանում: Հեևաբար այս ընտրությունը շատ կարևոր է, որ ձևավորված իշխանությունն ունենա լայն հասարակական աջակցություն:
«Ռուսաստանը պակաս շահագրգռված չէ իր հարաբերությունները խորացնել Ադրբեջանի և Թուրքիայի հետ, և այստեղ նրանք ունեն պրոբլեմ` Հայաստանի հարցերը ինչպես քննարկել իր գործընկերների հետ և այնպես անել, որ Հայաստանը հնարավորինս քիչ դիմադրի այն հարցերում, որտեղ Ռուսաստանն իր խնդիրները լուծում է ի հաշիվ հայկական շահերի:
Մենք տեսնում ենք տարբեր էմիսարներ, որ Ռուսաստանից են ժամանել Հայաստան` ազդելու ընտրությունների վրա»,- ասաց քաղաքագետը:
ՀԱՅԵՐԵՆ
Русский
English
Դաս. հայերեն
French
