Հայտնի ձայնագրությունն արվել է խմբակցության նիստի ժամանակ․ Ալեն Սիմոնյանի անդրադարձը Սարգսյանի հրապարակած ձայնագրությանը

12-06-2021 10:27:49   | Հայաստան  |  Ի՞նչ է գրում մամուլը



 
Հայկական ժամանակ. ԱԺ փոխխոսնակ Ալեն Սիմոնյանը, ի պատասխան հայտնի ձայնագրության մասին հարցին, «Ազատության» ֆեյսբուքյան ասուլիսի ժամանակ ասաց, որ դա եւս մեկ անգամ ապացուցեց իրենց ասածները, այն հօդս է ցնդեցնում խոհանոցային, «պադյեզդային» խոսակցությունները, թե ինչ-որ մեկը ինչ-որ բան է վաճառել կամ ինչ-որ պայմանավորվածություն
է եղել։
 
Ալեն Սիմոնյանը նշեց, որ ձայնագրությունն արվել է խմբակցության նիստի ժամանակ, որտեղ ներկա են եղել առնվազն 80 պատգամավոր, կառավարության ներկայացուցիչներ, վարչության անդամներ, մոտավորապես 100 մարդ։
 
«Ես անձամբ կարծիք ունեմ, թե ով է այդ ձայնագրությունն արել։ Ես համարում եմ դա ստորություն»,- ասաց Սիմոնյանը՝ չնշելով՝ ում մասին է խոսքը։
 
Հիշեցնենք, որ «Պատիվ ունեմ» դաշինքի նախընտրական քարոզարշավի շրջանակներում Գեղարքունիքում գտնվող Սերժ Սարգսյանը հրապարակել էր «միջազգային սկանդալ» խոստացող ձայնագրությունը, որտեղ Նիկոլ Փաշինյանը խոսում է Արցախի խնդրի մասին։ Ձայնագրությունը, սակայն, հայաստանյան հանրության շրջանում հակառակ ազդեցությունն ունեցավ: Շատերն արձանագրեցին, որ դա ոչ թե ոչ թե Նիկոլ Փաշինյանի դեմ գործեց, այլ, հակառակը, ծառայեց նրա օգտին:
 
 
Նոյյան տապան   -   Ի՞նչ է գրում մամուլը
Լուրեր Հայաստանից եւ Սփյուռքից


Կարդացել են 171 անգամ
Noyan Tapan - Նոյյան տապան
Facebook Group · 3 365 անդամ
Միանալ խմբին
Միացեք մեր «Ֆեյսբուքյան» խմբին՝ մեր հաղորդումները քննարկելու եւ բանախոսներին հարցեր ուղղելու համար



Բաժանորդագրվեք «Նոյյան Տապան»-ի մեր էջերին«Յութուբում», «Ֆեյսբուքում» Եւ «Թվիթերում»` մեր հաղորդումներն անվճար դիտելու համար