Հանրային հեռուստաընկերության ընդգծված խտրական վերաբերմունք ունի, ինչը փաստում է նաև ի սկզբանե ընտրական գործընթացի ոչ արդար լինելու մասին. ԱԺԲ
12-06-2021 18:18:12 | Հայաստան | Մամլո հաղորդագրություն
Ազգային-Ժողովրդավարական բևեռի խորհուրդը հայտարարություն է տարածել, որում, մասնավորապես, նշվում է.
«Երեկ՝ հունիսի 11-ին, 19:00, նախընտրական քարոզարշավի շրջանակներում, Ազգային-Ժողովրդավարական բևեռը Ազատության հրապարակում իրականացրեց հանրահավաք, որին հաջորդեց երթ դեպի Կենտրոնական Ընտրական Հանձնաժողով՝ խոհեմության կոչ հնչեցնելու նպատակով: Հարկ ենք համարում նշել, որ տեղի ունեցավ այս քարոզարշավի ընթացքում մինչ օրս արձանագրված ամենամեծ քարոզչական հանրահավաքը և երթը, որը կազմակերպել էր Ազգային-ժողովրդավարական բևեռը։
Վերոնշյալի հաշվառմամբ արձանագրում ենք, որ Հանրային հեռուստաընկերությունը, շարունակելով Ազգային-ժողովրդավարական բևեռի տեղեկութային շրջափակումը, ընդհանրապես չի անդրադարձել հանրահավաքին և երթին։ Հակառակ նրան, որ Հանրային հեռուստաընկերությունը նախընտրական քարոզարշավի փուլում պարտավորություն ունի հավասարապես լուսաբանելու գործընթացում գտնվող բոլոր քաղաքական ուժերի ծավալած գործունեությունը, հավատարիմ է մնում իր խտրական վարքագծին:
Դիտորդական առաքելություններին հորդորում ենք հաշվի առնել մեր քաղաքական ուժի նկատմամբ Հանրային հեռուստաընկերության ընդգծված խտրական վերաբերմունքը, ինչը փաստում է նաև ի սկզբանե ընտրական գործընթացի ոչ արդար լինելու մասին»։
ՀԱՅԵՐԵՆ
Русский
English
Դաս. հայերեն
French
