Կարևոր շեշտադրումներ Փաշինյան-Միշել հայտարարություններից. Նարեկ Մինասյան

17-07-2021 16:55:06 | Հայաստան | Մեկնաբանություն

Քաղաքագետ Նարեկ Մինասյանն իր ֆեյսբուքյան էջում գրում է.

«Այսօրվա հայտարարություններն աչքի ընկան մի շարք կարևոր շեշտադրումներով ու արձագանագրումներով.

- Հայաստանն աջակցում է ՄԽ համանախագահների՝ բանակցային գործընթացի վերսկսման կոչին, իսկ Բաքուն՝ անգամ չի արձագանքել:

- Ոչ պաշտոնական աղբյուրներից ստացած տեղեկությունների համաձայն՝ Ադրբեջանը մտադիր է նոր ռազմական բախումներ հրահրել Արցախում և հայ-ադրբեջանական սահմանին:

- Ադրբեջանը չի համաձայնվում Հայաստան-Վրաստան-Ադրբեջան-Ռուսաստան երկաթուղու գործարկմանը (ենթադրաբար եռակողմ հանձնաժողովի օրակարգի մաս է):

- ԵՄ կողմից Հայաստանում իրականացվելից ծրագրերի ֆինանսավորումն աճել է՝ 1.5-ից դառնալով 2.6 մլրդ եվրո, իսկ ծրագրերի քանակը՝ 5-ից դարձել է 7: Ծրագրերի իրականացման ճանապարհային քարտեզի նախագիծն արդեն պատրաստ է:

- ԵՄ-ն փորձում է հստակեցնել ԱլԳ ծրագրի ապագան՝ դեկտեմբերին սպասվող գագաթնաժողովին ընդառաջ, այդ թվում՝ ԱլԳ երկրների հետ քննարկումների միջոցով:

- ԵՄ-ն հետպատերազմական փուլում առաջ է քաշում 4 կարևոր թեմա.

1. Հռետորաբանության և փոխվստահություն (գերիներ, քարտեզներ)

2. Սահմանազատման գործընթաց

3. Հնարավոր համագործակցություն՝ կոմունիկացիաներ

4. Հակամարտության կարգավորման գործընթաց

-Ղարաբաղյան կարգավորման գործընթացի համատեքստում ԵՄ-ն կարևորում է Արցախի կարգավիճակի հստակեցումը»:

Նոյյան տապան - Մեկնաբանություն