Հազարավոր եզդի կանայք գերության մեջ են. այսօր Շանգալի եզդիների ցեղասպանության 7-րդ տարելիցն է
03-08-2021 18:17:22 | Հայաստան | Քաղաքական
Երբ հանցագործները մնում են անպատիժ, նոր ողբերգությունները անխուսափելի են ․․․
․․․․․․․․․․․․․․․․․․․․․․․․․․․․․․
Այսօր հիշատակվում է Շանգալի եզդիների ցեղասպանության 7-րդ տարելիցը։ 2014թ․ օգոստոսի 3-ին Իսլամական պետություն ահաբեկչական խմբավորումը՝ ԴԱԻՇ-ը, հարձակում գործեց Շանգալ եզդիաբնակ երկրամասի վրա։ Այդ ջարդերի արդյունքում սպանվեցին հազարավոր եզդիներ, հազարավոր եզդի կանայք և աղջիկներ առևանգվեցին և ստրկության մատնվեցին, հարյուր հազարավոր եզդիներ լքեցին իրենց բնակավայրերը և դարձան փախստականներ։ Առ այսօր լուծված չեն փախստական դարձած եզդիների անվտանգ կեցության և հումանիտար խնդիրները։ Հազարավոր եզդի կանայք շարունակում են մնալ գերության մեջ։