ԵՄ որոշ երկրներում խստացվում են սահմանափակումները չպատվաստվածների նկատմամբ

ԵՄ որոշ երկրներում խստացվում են սահմանափակումները չպատվաստվածների նկատմամբ

  • 23-11-2021 11:05:11   | Հայաստան  |  Ի՞նչ է գրում մամուլը

 
COVID-19-ի չորրորդ ալիքը եվրոպական պետություններին ստիպում է սահմանափակումներ մտցնել, իսկ որոշ երկրներում՝ խստացնել սահմանափակումները չպատվաստվածների նկատմամբ։
 
Գերմանիայում չեղյալ են հայտարարվել Սուրբ Ծննդյան տոնավաճառները. Բեռլինում այդպիսիք դեռ գործում են, բայց մեծ մասը բաց են միայն պատվաստվածների համար։
 
Վիեննայի փողոցները դատարկ են: Ավստրիայում համընդհանուր սահմանափակումներ են գործում: Երկրում գրանցվել է հիվանդության աճ և պատվաստումների ցածր մակարդակ։
 
Բրյուսելում պատվաստումների նկատմամբ անվստահությունն են համարում COVID-19-ի չորրորդ ալիքի գլխավոր պատճառ։
 
Չեխիայում որոշել են արգելել կորոնավիրուսի բացասական թեստի օգտագործումը որպես հասարակական վայրեր մուտքի արտոնագիր։ Երկրում պատվաստված է բնակչության 60 տոկոսից պակասը, ինչը ցածր է Եվրամիության ընդհանուր ցուցանիշից։
 
Հարևան Սլովակիան հետևել է Չեխիայի օրինակին. այժմ չպատվաստվածների համար մասնակի արգելափակում է գործում՝ առանց «պատվաստված/հիվանդացած» կարգավիճակի նրանք չեն կարող ոչ ճաշել ռեստորանում, ոչ էլ նույնիսկ մտնել առևտրի կենտրոնններ։
 
Լիլիթ Հարությունյան
 
 
Նոյյան տապան   -   Ի՞նչ է գրում մամուլը