Բայդենը Զելենսկիի հետ զրույց կունենա՝ Պուտինի հետ հանդիպման արդյունքներով
08-12-2021 16:20:07 | ԱՄՆ | Միջազգային
ԱՄՆ նախագահ Ջո Բայդենը դեկտեմբերի 9-ին զրույց կունենա Ուկրաինայի առաջնորդ Վլադիմիր Զելենսկու հետ։
«Հայկական ժամանակը» փոխանցում է, որ այս մասին հայտարարել է ԱՄՆ նախագահի ազգային անվտանգության գծով օգնական Ջեյք Սալիվանը՝ Սպիտակ տանը կայացած ճեպազրույցի ժամանակ, որով ամփոփել է Ռուսաստանի և Ամերիկայի առաջնորդներ Վլադիմիր Պուտինի և Ջո Բայդենի հանդիպումը:
«Նախագահ Բայդենը հինգշաբթի օրը կխոսի Ուկրաինայի նախագահ Զելենսկու հետ: Դա տեղի կունենա նախագահ Զելենսկիի և ԱՄՆ պետքարտուղար Էնթոնի Բլինկենի երեկվա քննարկումից հետո», - ասել է Սալիվանը:
Հիշեցնենք, ԱՄՆ նախագահ Ջո Բայդենը և Ռուսաստանի առաջնորդ Վլադիմիր Պուտինը երեկ տեսակապով բանակցություններ են վարել, որոնք տևել են ավելի քան երկու ժամ: