Եթե ուկրաինական ուժերը դուրս գան մինչև փետրվարի 24-ը եղած գիծ, հաղթանակ կլինի․ Զելենսկի
21-05-2022 13:52:30 | Ուկրաինա | Ի՞նչ է գրում մամուլը
Ուկրաինայի նախագահ Վլադիմիր Զելենսկին խոսել է այն մասին, թե ինչպես է տեսնում Ուկրաինայի հաղթանակը Ռուսաստանի հետ պատերազմում, գրում է Lragir.am-ը:
Այս մասին խոսվել է պետության ղեկավարի՝ լրագրողներին տված հարցազրույցում, որը հեռարձակվել է տեղեկատվական մարաթոնի եթերում։
Ուկրաինայի նախագահի խոսքով, պատերազմում հաղթանակ կհամարվի փետրվարի 24-ին դրությամբ եղած սահմանազատման գիծ Ուկրաինայի զինված ուժերի դուրս գալը։
«Սա կնշանակի, որ նրանք մեզ չեն գրավել, որ մենք պաշտպանել ենք մեր հողը: Եվ հետո մենք կանցնենք երկրորդ մասին: Եվ ես կուզենայի, որ այս երկիրը (ՌԴ) բավականաչափ խելք ունենա, որպեսզի խոսենք երկրորդ մասի մասին բանակցությունների սեղանի շուրջ։ Եվ որ այս զրույցի արդյունքը կլինի վերջնական արդարադատությունը»,- ասել է Զելենսկին։
ՀԱՅԵՐԵՆ
Русский
English
Դաս. հայերեն
French
