Լրագրողների հայտարարությունը` Բագրատ Եսայանին ձերբակալելու վերաբերյալ
11-06-2022 20:14:49 | Հայաստան | Մամլո հաղորդագրություն
Մենք՝ ներքոստորագրյալ լրագրողներս, դատապարտում ենք մեր գործընկերոջ՝ «Երկիր մեդիա» հեռուստաընկերության տնօրեն Բագրատ Եսայանի նկատմամբ իրականացվող ակնհայտ քաղաքական հետապնդումները։ Բագրատ Եսայանին մեղադրանք է առաջադրվել մոտ 2 տարի առաջ տեղի ունեցած դեպքի առթիվ հարուցված քրեական գործով, և նրան մեղադրանք է առաջադրվել այդ գործի հարուցումից մոտ 2 տարի անց, երբ ներքաղաքական իրավիճակը լարվել է, իսկ Բագրատ Եսայանի ղեկավարած «Երկիր մեդիա» հեռուստաընկերությունը սկսել է ամենօրյա ռեժիմով լուսաբանել ընդդիմության կողմից իրականացվող բողոքի զանգվածային ցույցերը։
Բացի այդ` Եսայանը վարույթն իրականացնող մարմին ներկայանալու ծանուցագիր չի ստացել, դրա փոխարեն անհայտ անձինք մուտք են գործել հեռուստաընկերության խմբագրություն և բերման ենթարկել Եսայանին՝ այդպես խախտելով թե՛ Եսայանի իրավունքները և թե´ հեռուստըանկերության բնականոն աշխատանքը։ Մենք՝ ներքոստորագրյալ լրագրողներս, պահանջում ենք դադարեցնել Բագրատ Եսայանի նկատմամբ քաղաքական հետապնդումը և իշխանություններին հորդորում ենք զերծ մնալ լրագրողների նկատմամբ բռնաճնշումներից։
Հայտարարությունը բաց է ստորագրման համար։ Հայտարարությունը ստորագրել են՝