Ռուսաստանի Դաշնության վարչապետ Վլադիմիր Պուտինը հայտարարել է, որ ոչ ինքը, ոչ էլ նախագահ Դմիտրի Մեդվեդեւը չեն բացառում, որ կմասնակցեն 2012 թվականին կայանալիք նախագահական ընտրություններին: Այս մասին հայտնում է Ռիա-Նովոստի գործակալությունը: «Իհարկե, մի օր պետք է այս որոշումը կայացվեր: Բայց մինչեւ ընտրությունները գրեթե մեկ տարի կա, եւ հենց այդ իրարանցումն է խոչնդոտում աշխատանքի բնականոն կազմակերպմանըե»,- ասել է Վ.Պուտինը, հավելելով. «Եթե մենք այժմ սխալ ինչ-որ տեղեկություններ տանք, ապա ղեկավարության կեսը եւ կառավարության ավելի քան կեսը կդադարեն աշխատել` սպասելով ինչ-որ փոփոխությունների»:

---