ԱՄՆ-ում ընտանեկան վեճի պատճառով հայրը սպանել է հինգ
երեխաներին
06-04-2009 17:32:00 | ԱՄՆ | Միջազգային
ՎԱՇԻՆԳՏՈՆ, 6 ԱՊՐԻԼԻ, ՆՈՅՅԱՆ ՏԱՊԱՆ: Վաշինգտոնի նահանգի
Գրեհեմ քաղաքում ողբերգության հնարավոր պատճառը կարող է լինել
ընտանեկան վիճաբանությունը: Այնտեղ 35 տարեկան Ջեյմս Հարիսոնը
սպանել է իր հինգ երեխաներին եւ անձնասպան եղել:
Ինչպես հաղորդում է CNN-ը, 7-ից 16 տարեկան հինգ երեխաների
մարմինները շաբաթ օրը հայտնաբերվել են Հարրիսոնի տանը: Ըստ
ոստիկանության, նախորդ օրը` ուրբաթ, Հարիսոնը իր 16-ամյա դստեր հետ
կնոջը բռնացրել է ուրիշ տղամարդու հետ: Հարիսոնը տուն է վերադարձել
դստեր հետ, բայց առանց կնոջ:
Տանը Հարիսոնը երեկոն անցկացրել է հարազատների հետ: Երբ նրանք
գնացել են, Հարիսոնը գնդակահարել է իր բոլոր հինգ երեխաներին` չորս
աղջիկներին եւ մեկ տղային, որոնք քնած են եղել: