Նախագահ Վահագն Խաչատուրյանն ընդունել է Ամերիկայի Հայկական համագումարի պատվիրակներին
24-06-2022 20:09:31 | Հայաստան | Մամլո հաղորդագրություն
Նախագահ Վահագն Խաչատուրյանը հւոնիսի 24-ին ընդունել է Ամերիկայի Հայկական համագումարի նախագահ Քերոլին Մուգարին:
Հանդիպմանը մասնակցել են կազմակերպության ներկայացուցիչներ Էնթոնի Բարսամյանը և Արփի Վարդանյանը: Հանդիպման ընթացքում քննարկվել են Հայաստան-Սփյուռք հարաբերությունների օրակարգային հարցեր: Անդրադարձ է կատարվել Հայաստան-Սփյուռք-Արցախ կապերի առջև առկա մարտահրավերների հաղթահարման խնդիրներին:
Ինչպես տեղեկացնում են Հայաստանի Հանրապետության նախագահի աշխատակազմից, հանդիպման մասնակիցները քննարկել են Հայաստանի, Արցախի և Սփյուռքի առջև առկա մարտահրավերներին դիմակայելու գործում ջանքերի և գործունեության ներդաշնակեցման ու համադրման անհարժեշտությունն ու համահայկական նշանակության հարցերի շուրջ միասնական օրակարգով հանդես գալու կարևորությունը:
Կազմակերպության պատվիրակները նաև պատրաստակամություն են հայտնել հնարավորինս իրենց նպաստը բերել հայ-ամերիկյան հարաբերությունների ամրացման գործում:
ՀԱՅԵՐԵՆ
Русский
English
Դաս. հայերեն
French
