Այսօր տեղի ունեցավ «Ընտանեկան բռնության դեպքերի ճգնաժամային աջակցության կազմակերպումը գենդերազգայուն մոտեցման սկզբունքներով» թեմայով դասընթաց Մարդու իրավունքների պաշտպանի աշխատակազմի համար

08-07-2022 15:38:51 | Հայաստան | Մամլո հաղորդագրություն

Դասընթացն իրականացվել է Եվրոպական միության ֆինանսավորմամբ իրականացվող «ԵՄ-ն հանուն գենդերային հավասարության. բարեփոխումների օգնության պատուհան» ծրագրի շրջանակներում, որն ուղղված էր ՄԻՊ աշխատակիցների՝ ընտանեկան բռնության դեպքերի վարման կարողությունների զարգացմանը, մասնավորապես` ՄԻՊ Թեժ գծով խորհրդատվության իրականացման գործընթացում։

«Ընտանեկան բռնության դեպքերի ճգնաժամային աջակցության կազմակերպումը գենդերազգայուն մոտեցման սկզբունքներով» թեմայով դասընթացը նպատակաուղղված էր ընտանեկան բռնության հիմնախնդիրը հասկանալու ուժի և իշխանության (գենդերային անհավասարության) դիտանկյունից՝ դեպքերին պատշաճ արձագանքման ու անձանց տրամադրվող ճգնաժամային աջակցության արդյունավետ կազմակերպման նպատակով:

Միջոցառման նպատակներից էր քննարկել նաև գենդերազգայուն մոտեցմամբ աջակցության կազմակերպման սկզբունքները:

Դասընթացը վարել է ընտանեկան բռնության հարցերով մասնագիտացված հոգեբանության դոկտոր Սիրանուշ Դավթյանը։

Դասընթացն ամփոփվեց հարցուպատասխանով և կոնկրետ դեպքերի վերլուծությամբ։

Նոյյան տապան - Մամլո հաղորդագրություն

Կարդացել են 1311 անգամ

https://s1.merlive.am/Noian_Tapan/embed.html?autoplay=false&play

Noyan Tapan TV