Գերազանց հանձնել եմ տնօրենի քննությունները. Մանե Գրիգորյանը` Երգի պետական թատրոնի տնօրեն
05-09-2022 19:32:49 | Հայաստան | Մշակույթ
Երգիչ, երգահան Արթուր Գրիգորյանի դուստրը՝ հաղորդավարուհի Մանե Գրիգորյանը, նշանակվել է Երգի պետական թատրոնի տնօրեն: ԱԱյս մասին Մանեն տեղեկացրել է «Ինստագրամի» իր էջում։
«Սիրելի ընկերներ, ուզում եմ տեղեկացնել, որ այսօրվանից պաշտոնապես հանդիսանում եմ Երգի պետական թատրոնի տնօրենը։ Անցած ամիսների ընթացքում պատրաստվել եմ ու նոր ու առավել բարդացված կարգով գերազանց հանձնել եմ տնօրենի պետական քննությունները և արդեն որպես լիիրավ տնօրեն անցնում եմ գործի։
Նախորդ 6 ամիսների ընթացքում որպես ժամանակավոր պաշտոնակատար եղել եմ թատրոնում։ Կատարված աշխատանքները փորձեմ համառոտ ներկայացնել՝
-Վերականգնվում է թատրոնի դահլիճը, այն կներկայանա բոլորովին նոր ու ժամանակակից տեսքով։
-Ընթանում են նոր կայքի ստեղծման և թատրոնի ռեբրենդինգի աշխատանքները, ինչի շնորհիվ թատրոնն ավելի մրցունակ ու ժամանակակից կդառնա։
-Ձևավորվել է թատրոնի նոր կազմը, որն արդեն թողարկել է մի քանի երգեր և տեսահոլովակ։ Խումբն արդեն հասցրել է ելույթ ունենալ մի շարք միջոցառումների ժամանակ։ Առաջիկա ամիսներին նախատեսվում են նոր տեսահոլովակներ։
-Նոր համագործակցություններ ենք սկսել հեղինակավոր կազմակերպությունների հետ, որոնք կնպաստեն թատրոնի առաջխաղացմանը։ Մանրամասներն առաջիկայում կներկայացնենք։
-Վերականգվել է «Ուրախ Նոտաներ» ներկայացումը՝ բոլորովին նոր ձևաչափով, դեկորներով և բեմական հանդերաձանքով։
-Պետական մարմինների հետ համագործակցությամբ Հայաստանի 7 մարզերում կարողացել ենք բեմադրել անվճար ներկայացումներ, որոնց մասնակից է դարձել շուրջ 10000 երեխա։
-Երեկ, այսօր, հավերժ…
Արթուր Գրիգորյանին նվիրված մեծ համերգ ենք իրականացրել մարզահամերգային համալիրում։
Առաջիկայում սպասվում են նոր ներկայացումներ, մյուզիքլներ, փառատոններ, համերգներ, ծրագրեր ու նախագծեր։
Ասելու-խոսելու շատ բան կա, հիմա ավելի կարևոր է գործ անել ու վերակենդանացնել մեր թատրոնը։
Անչափ շնորհակալ եմ այն մարդկանց, որոնք կողքիս են, օգնում են ու փորձում անել առավելագույնը, որ Պապայի կիսատ թողած գործը պատվով շարունակենք։
Շուտով բոլորիդ սպասում եմ Հայաստանի երգի պետական թատրոնում»։
ՀԱՅԵՐԵՆ
Русский
English
Դաս. հայերեն
French
