Ես երեկ սխալվել, հիմարություն եմ ասել․ ռուսական «Առաջին ալիք»-ը ներողություն է խնդրել Հայաստանից
20-09-2022 20:01:12 | Ռուսաստան | Ի՞նչ է գրում մամուլը
armtimes.com Ռուսական «Առաջին ալիք»-ը ներողություն է խնդրել հայկական կողմից ու հայերից՝ հաղորդումներից մեկի շրջանակներում սխալ ձևակերպումներ անելու համար։
Հաղորդավարն իր խոսքում ասել է հետևյալը․
«Մենք երեկ քննարկում ենք ունեցել հայ-ադրբեջանական կոնֆլիկտի վերաբերյալ, և այդ առիթով ես այսօր ասելիք ունեմ։
Ես երեկ սխալվել, հիմարություն եմ ասել ու չեմ ուղղել։ Մեր փորձագետներն, իհարկե, հետո ինձ ուղղեցին, բայց դա բավարար չէ։
Մեր հաղորդումը մշտապես պատասխանատու է իր խոսքերի համար։ Այս անգամ էլ կլինի այդպես։
Ես երեկ սխալվել եմ։ Հարցը վերաբերել է սահմանային բնակավայրերին, այլ ոչ թե Լեռնային Ղարաբաղի կամ Արցախի չճանաչված բնակավայրերին։
Մենք երեկ հստակ խոսել ենք Հայաստանի Հանրապետության տարածքի մասին։ Իմ հիմար սխալի համար ներողություն եմ խնդրում և ուզում եմ ասել՝ շնորհակալություն»։
Նշենք, որ հաղորդավարը շնորհակալությունն ասել է հայերենով։