ԵՄ-ն երկարացրել է Բելոռուսիայի առաջնորդների դեմ
պատժամիջոցների մորատորիումը
17-03-2009 16:48:00 | Բելգիա | Միջազգային
ԲՐՅՈՒՍԵԼ, 17 ՄԱՐՏԻ, ՆՈՅՅԱՆ ՏԱՊԱՆ: ԵՄ անդամ երկրների արտաքին
գործերի նախարարները մարտի 16-ին Բրյուսելում կայացած հանդիպման
ժամանակ հաստատել են Բելոռուսիայի ղեկավարության նկատմամբ
տարածաշրջանային այդ կազմակերպության կողմից պատժամիջոցներ
չկիրառելու որոշումը:
Պատժամիջոցների կիրառման մորատորիումը երկարացվել է եւս ինն
ամսով:
ԵՄ ԱԳՆ ղեկավարները 2008 թ. հոկտեմբերին որոշել էին կասեցնել
բելոռուս պաշտոնատար անձանց վիզաների տրամադրման արգելքի
գործողությունը, որ սահմանվել էր 2006 թ. ի պատասխան ընդդիմության
նկատմամբ Բելոռուսիայի գործողությունների: Պատժամիջոցները
տարածվում էին նախագահ Ալեքսանդր Լուկաշենկոյի եւ 41 բելոռուս
պաշտոնյաների վրա: Եվրոպացի նախարարները այն ժամանակ պայմանավորվել
էին կես տարի անց նորից քննության առնել իրավիճակը եւ,
Բելոռուսիայում մարդու իրավունքների վիճակից կախված, վերականգնել
պատժամիջոցները կամ չկիրառել դրանք: