Հունաստանում տեղի են ունեցել երիտասարդության բախումներ
ոստիկանության հետ
06-03-2009 16:15:00 | Հունաստան | Միջազգային
ԱԹԵՆՔ, 6 ՄԱՐՏԻ, ՆՈՅՅԱՆ ՏԱՊԱՆ: Աթենքում եւ Սալոնիկում
հինգշաբթի երեկոյան երիտասարդության նոր բախումներ են տեղի ունեցել
ոստիկանության հետ, տեղեկացրել է հունական հեռուստատեսությունը: Այս
մասին հաղորդում է «Նովոստի» գործակալությունը:
Աթենքում բախումներն սկսվել են անցած շաբաթ կատարված միջադեպի
դեմ ձախ ակտիվիստների ցույցի ընթացքում: Այն ժամանակ անհայտ անձինք
նռնակ էին նետել Աթենքի ներգաղթյալների ակումբը:
Մի խումբ անարխիստներ քարեր են նետել հատուկ նշանակության
ուժերի վրա, որոնք ուղեկցում էին ցուցարարներին: Նրանք էլ
պատասխանել են լուսաձայնային նռնակներով ու արցունքաբեր գազով:
Սալոնիկում համանման ցույցից հետո ոստիկանությունը
արցունքաբեր գազ է կիրառել անարխիստներից պաշտպանվելու համար,
որոնք կարգի պահապանների վրա են նետել հրդեհող խառնուրդով շշեր: