ԱՄՆ-ն արագացնում է B61-12 միջուկային ռումբերի տեղակայումը Եվրոպայում․ Politico
27-10-2022 15:34:20 | Հայաստան | Ի՞նչ է գրում մամուլը
Lragir.am. ԱՄՆ-ն արագացրել է իր արդիականացված B61-12 մարտավարական միջուկային ռումբերի տեղակայումը Եվրոպայում ՆԱՏՕ-ի բազաներում, որոնք կփոխարինեն հնացած պաշարները։ Այս մասին գրում է Politico-ն՝ վկայակոչելով ԱՄՆ դիվանագիտական հեռագիրը և երկու աղբյուր։
Նախկինում նախատեսվում էր B61-12-ը Եվրոպա հասցնել 2023 թվականի գարնանից ոչ շուտ, սակայն ժամկետները տեղափոխվեցին այս տարվա դեկտեմբեր։ Փաստաթղթում ասվում է, որ հանդիպումների ժամանակ ՆԱՏՕ-ի 15 դաշնակիցներ մտահոգություն են հայտնել, որ դաշինքը «չպետք է ենթարկվի Պուտինի միջուկային շանտաժին»։
«Հաշվի առնելով Ռուսաստանի միջուկային հռետորաբանության աճող ծավալը՝ որոշ դաշնակիցներ խնդրել են շարունակել խորհրդակցությունները ՆԱՏՕ-ի շրջանակներում՝ շարունակական պատրաստակամություն և հետևողական հաղորդագրություններ ապահովելու համար», – ասվում է հեռագրում: