«Զվարթնոց» օդանավակայանում երիտասարդը գծային բաժնի ծառայողներից փախուստի է դիմել՝ պայուսակից նետելով ատրճանակ
26-12-2022 11:05:22 | Հայաստան | Ի՞նչ է գրում մամուլը
Հայկական ժամանակ. Դեկտեմբերի 25-ին ոստիկանության «Զվարթնոց» օդանավակայանի գծային բաժնի ծառայողները մեկնման սրահում նկատել են կասկածելի երիտասարդի, որը դիմել է փախուստի՝ այդ ընթացքում պայուսակից նետելով ատրճանակ:
Այս մասին տեղեկացնում է ՀՀ ոստիկանությունը։
Պարեկների հետ ձեռնարկած միջոցառումների արդյունքում նա ձերբակալվել և տարվել է օդանավակայանի գծային բաժին:
Բաժնում պարզվել է ինքնությունը՝ Կոտայքի մարզի Պռոշյան գյուղի 21-ամյա բնակիչ է: Անձնական խուզարկությամբ նրա մոտ հայտնաբերվել են 9,5 մմ շեղբի երկարության ծալովի դանակ, 12 փամփուշտ և առանց գործարանային համարի ատրճանակ:
Երիտասարդը հանձնվել է օդանավակայանի քննչական բաժնի ծառայողներին: Կատարվում է նախաքննություն:
ՀԱՅԵՐԵՆ
Русский
English
Դաս. հայերեն
French
