2023 թվականի սկզբից մենք Հայաստանին նոր մեղադրանքներ կներկայացնենք․ Ջեյհուն Բայրամով
27-12-2022 19:37:46 | Ադրբեջան | Ի՞նչ է գրում մամուլը
armtimes.com Ադրբեջանը պատրաստվում է 2 նոր հայց ներկայացնել Հայաստանի Հանրապետության դեմ։
Այս մասին հայտարարել է Ադրբեջանի արտգործնախարար Ջեյհուն Բայրամովը։
Բայրամովը տեղեկացրել է, որ այս ամիս Ադրբեջանը նոր միջպետական հայց է ներկայացրել Հայաստանի դեմ՝ կապված 2022 թվականի մայիս-օգոստոս ամիսներին հարյուրավոր բնակելի շենքերի այրման և ավերման հետ։
«Երբ հայերը լքում էին Լաչին քաղաքը և հարակից երկու գյուղերը, ավերել ու այրել են տները։ Դրա դիմաց փոխհատուցման վճարում է պահանջվում։ 2023 թվականի սկզբից մենք Հայաստանին նոր մեղադրանքներ կներկայացնենք Ադրբեջանի շրջակա միջավայրին ու բնությանը վնաս պատճառելու, ինչպես նաև էներգիայի և բնական ռեսուրսների ապօրինի շահագործման համար»,- ասել է Բայրամովը։
Հիշեցնենք՝ օրերս Եվրոպական դատարանը բավարարել էր Հայաստանի ներկայացրած պահանջը և միջանկյալ միջոցներ կիրառել Ադրբեջանի նկատմամբ: