Զախարովան հարկ չի համարում արձագանքել ՄԱԿ ԱԽ-ից Ռուսաստանին բացառելու Կիևի կոչին


Զախարովան հարկ չի համարում արձագանքել ՄԱԿ ԱԽ-ից Ռուսաստանին բացառելու Կիևի կոչին

  • 28-12-2022 13:06:24   | Հայաստան  |  Ի՞նչ է գրում մամուլը

 
Ազատություն. Ռուսաստանի արտգործնախարարության պաշտոնական ներկայացուցիչ Մարիա Զախարովան հայտարարել է, թե հարկավոր չէ որևէ կերպ արձագանքել ՄԱԿ-ի Անվտանգության խորհրդից Ռուսաստանի Դաշնությանը բացառելու՝ պաշտոնական Կիևի կոչին:
 
«Ոչինչ մի արեք: Սա հենց այն դեպքն է, երբ շունը հաչում է, իսկ քարավանը՝ գնում», - այսօր ասել է նա Sputnik ռադիոկայանի եթերում՝ պատասխանելով հարցին, թե ինչպես պետք է Մոսկվան արձագանքի Ուկրաինայի արտգործնախարարության համապատասխան հայտարարությանը։
 
Դեկտեմբերի 20-ին Ուկրաինայի արտաքին գործերի նախարար Դմիտրի Կուլեբան հայտարարել է, որ Կիևը պաշտոնական քայլեր է նախապատրաստում Ռուսաստանին ՄԱԿ-ի Անվտանգության խորհրդին անդամակցությունից զրկելու համար։ Սակայն նա խոստովանել է, որ նման գործընթաց սկսելը հեշտ չի լինի։
 
Այն, որ Ռուսաստանի Դաշնությունը չի կարող դուրս մնալ ՄԱԿ-ի Անվտանգության խորհրդից, բազմիցս հայտարարել է արտգործնախարար Սերգեյ Լավրովը։
 
ԱՄՆ-ը նույնպես կարծում է, որ ՄԱԿ-ի կանոնները փոխել ոչ մի կերպ հնարավոր չէ Ռուսաստանին Անվտանգության խորհրդի անդամությունից զրկելու համար։ Այս մասին երկու շաբաթ առաջ ճեպազրույցում հայտարարել է Սպիտակ տան մամուլի քարտուղար Կարին Ժան-Պիեռը։
 
Լիլիթ Հարությունյան
 
 
Նոյյան տապան  -   Ի՞նչ է գրում մամուլը

Կարդացել են 1253 անգամ

Copyright © 2024 | Developed by ITMedia