Մեզ համար ՀՀ ինքնիշխանությունը բացարձակ արժեք է. Փաշինյանը՝ միութենական պետության կազմ մտնելու՝ առաջարկ ստանալու մասին

10-01-2023 15:01:49 | Հայաստան | Ի՞նչ է գրում մամուլը

Հայկական ժամանակ. Այսօր ՀՀ վարչապետ Նիկոլ Փաշինյանը, մամուլի ասուլիսի ժամանակ անդրադառնալով հարցին՝ Հայաստանին երբեւէ եղե՞լ է առաջարկ միութենական պետության կազմի մեջ մտնելու, բացասական պատասխան տվեց՝ ասելով, որ որեւէ նման պաշտոնական առաջարկ չի եղել, բայց իրականությունն այդքան էլ պարզ չէ:

«Երբեմն պետք է խորը դիտարկենք: Մեզ համար ՀՀ ինքնիշխանությունը, անկախությունը, պետականությունը բացարձակ արժեքներ են, մեր պարտքն ու առաքելությունն ենք համարում ամեն ինչ անել պետության, մեր հայրենիքի պետականության համար»,- շեշտեց նա:

Հարցին՝ իսկ արդյոք ոչ պաշտոնական խողովակներով նման ճնշումներ եղե՞լ են, թե՞ ոչ, վարչապետը նշեց, որ փորձագետների շարունակական խոսույթն էլ կարելի է ոչ պաշտոնական համարել, և Արմեն Գրիգորյանը նաև դրանք է նկատի ունեցել:

Հիշեցնենք՝ Առաջին ալիքի եթերում ՀՀ ԱԽ քարտուղար Արմեն Գրիգորյանն ասել էր՝ Հայաստանը ճնշումներ նաև միութենական պետության մասով է ստանում, և ՀՀ ժողովրդավարությունը դիմադրում է ու ստանում ռազմական տեսքով ճնշումներ:

«Միութենական պետությունը ամբողջովին սուվերենության խախտումն է։ Հայաստանի օրակարգում միութենական պետության մեջ մտնելու օրակարգ չկա։ Հայաստանում ընթացող ժողովրդավարական գործընթացները սահմանափակում են այդ հարցը քննարկելու հնարավորությունը»,- շեշտել էր Գրիգորյանը:

Նոյյան տապան - Ի՞նչ է գրում մամուլը

Կարդացել են 950 անգամ

Մեզ համար ՀՀ ինքնիշխանությունը բացարձակ արժեք է. Փաշինյանը՝ միութենական պետության կազմ մտնելու՝ առաջարկ ստանալու մասին

Noyan Tapan TV