Ալիևը «բացարձակ սուտ» է անվանում Հայաստանի հայտարարությունները Լաչինի միջանցքի փակման մասին
26-01-2023 15:51:59 | Հայաստան | Ի՞նչ է գրում մամուլը
Ազատություն. Trend ադրբեջանական լրատվական գործակալության փոխանցմամբ, Ադրբեջանի նախագահ Իլհամ Ալիևը «բացարձակ սուտ և անհեթեթություն» է անվանել Հայաստանի պնդումները Լաչինի միջանցքի փակման մասին:
Այդ թեմայի շուրջ նա զրուցել է Ադրբեջանում Ֆրանսիայի նորանշանակ դեսպան Անն Բուայոնի հետ՝ նրանից հավատարմագրերը ստանալուց հետո:
Ալիևը պնդել է, թե Լաչինի միջանցքի երկու ուղղություններով Կարմիր խաչի և ռուսաստանցի խաղաղապահների միջնորդությամբ, շարունակվում է քաղաքացիական նշանակության ապրանքների և քաղաքացիական անձանց փոխադրումը:
Ադրբեջանի նախագահն ասել է, թե դեկտեմբերի 12-ից սկսած միջանցքով երկու ուղղություններով անցել է ավելի քան հազար տրանսպորտային միջոց:
Ալիևը Ֆրանսիայի դեսպանի հետ զրույցում ընդգծել է «Ադրբեջանի տարածքում՝ ռուսաստանցի խաղաղապահների ժամանակավոր տեղակայման գոտում, օգտակար հանածոների ապօրինի արդյունահանման անթույլատրելիությունը» և ասել է, որ «այդ շրջանում անհրաժեշտ է մշտադիտարկում ապահովել»:
ՀԱՅԵՐԵՆ
Русский
English
Դաս. հայերեն
French
