Անհրաժեշտության դեպքում ՀԱՊԿ-ը պատրաստ է Հայաստանի «թիկունքին կանգնել». Սիդորով
14-02-2023 13:45:13 | Հայաստան | Ի՞նչ է գրում մամուլը
Հայկական ժամանակ. Հավաքական անվտանգության պայմանագրի կազմակերպության (ՀԱՊԿ) անդամ երկրները, անհրաժեշտության դեպքում, պատրաստ կլինեն Կովկասում դաշնակցի՝ այսինքն Հայաստանի «թիկունքին կանգնել»։
Այս մասին այսօր մամուլի ասուլիսի ժամանակ ասել է ՀԱՊԿ միացյալ շտաբի պետ, գեներալ-գնդապետ Անատոլի Սիդորովը՝ պատասխանելով հարցին, թե արդյո՞ք Հայաստանի որոշումը՝ իր տարածքում ՀԱՊԿ զորավարժություններ չանցկացնելու մասին, կազդի կազմակերպության աշխատանքի վրա։
«Եթե իրավիճակը հանկարծ պահանջի կովկասյան տարածաշրջանում հավաքական անվտանգության համակարգի ուժերի և միջոցների ներգրավում, կա փորձ, մշակվել են նաև որոշակի ծրագրեր, և կարծում եմ, որ ՀԱՊԿ անդամ երկրները պատրաստ կլինեն իրենց դաշնակցին թիկունք դառնալ կովկասյան տարածաշրջանում»,- ասել է նա։
ՀԱՅԵՐԵՆ
Русский
English
Դաս. հայերեն
French
