Բարձր արվեստի, հեղինակային երաժշտական կատարումների և ռուսական ժամանակակից պոեզիայի, ասմունքի հազվագյուտ զուգակցում, որին մասնակցելու հնարավորությունը և սիրելի կնոջը, մայրերին և քույրերին աննախադեպ անակնկալ անելու հնարավորությունը կունենաք Մարտի 9-ին, ժամը 19.00-ին Առնո Բաբաջանյան համերգասրահում: “Նվեր` սիրելի կնոջը” երաժշտական պոետիկ մոնոներկայացումը յուրահատուկ է և քիչ հանդիպող: Ռուսական պոեզիայի անզուգական վարպետ, «Ստեղծելով աշխարհը» Համառուսաստանյան արվեստի 1-ին մրցանակի դափնեկիր, հեռուստահաղորդավար, պրոդյուսեր և ռեժիսոր Վլադիմիր Գլազունովը, հանդես կգա ժամանակակից ռուսական պոեզիայի ընթերցմամբ:
Պոեզիան կուղեկցվի Սերգեյ Սիրոտինի (Կիպրոս) հեղինակային երաժշտությամբ, գրված հատուկ այս նախագծի համար: Նա կոմպոզիտոր է, ով հայտնի է որպես Golden Light Orchestra նախագծի հեղինակ։ Գրել է ավելի քան երկու հարյուր ստեղծագործություն:
Այս տաղանդավոր դուետ 2019 թ-ից մինչ այժմ թողարկվել է մի քանի աուդիոգիրք: Ելույթ են ունեցել ՌԴ 10 քաղաքներում, հյուրախաղերով հանդես եկել Ղազախստանում և Ղրղզստանում։
Հայտնի չէ, հայ հանդիսատեսը արդյո՞ք երկրորդ անգամ առիթ կունենա ներկա գտնվելու նման յուրահատուկ, էլիտար պրոեկտին...
ՀԱՅԵՐԵՆ
Русский
English
Դաս. հայերեն
French
