ՌԴ-ն մնում է Հայաստանի և Ադրբեջանի բանակցությունների հիմնական միջնորդը. Ալեն Սիմոնյան
20-03-2023 13:51:45 | Հայաստան | Ի՞նչ է գրում մամուլը
Sputnik. ՀՀ ԱԺ նախագահը բացատրեց, թե ինչպես է տեղի ունենում Երևանի և Բաքվի միջև խաղաղության պայմանագրի տարբերակների փոխանակումը։
Ռուսաստանը շարունակում է մնալ Հայաստանի և Ադրբեջանի միջև բանակցությունների հիմնական միջնորդը։ Այս մասին լրագրողների հետ ճեպազրույցում ասաց ԱԺ նախագահ Ալեն Սիմոնյանը։
Նրա խոսքով` Երևանի և Բաքվի միջև խաղաղության պայմանագրի վերաբերյալ առաջարկների փոխանակումը իրականացվում է տարբեր խաղացողների, առաջին հերթին Ռուսաստանի միջնորդությամբ, որը մնում է հիմնական միջնորդը։
«Հիմնական գործողը շարունակում է մնալ Ռուսաստանը, բայց նախաձեռնություններ կան նաև ԱՄՆ-ի կողմից, դրանք բավականին ակտիվ են։ Ինչպես նաև Ֆրանսիայի կողմից»,– ասաց Սիմոնյանը։
Նշենք, որ այս պահին Մոսկվայում բանակցություններ են ընթանում ՌԴ և ՀՀ ԱԳ նախարարների միջև։
ՀԱՅԵՐԵՆ
Русский
English
Դաս. հայերեն
French
